Трендот на флексибилни екрани, односно смартфони на преклопување, лансиран во 2019-та година, продолжи и во 2020-та година, притоа донесе голем број нови, како и концепти на идните модели.
„Samsung“ досега „објави“ најголем број модели досега, а „Huawei“ и „Motorola“ имаат втора генерација на „преклопувачи“. Другите производители исто така најавуваат и ги подготвуваат своите модели („Xiaomi“, „LG“, „Oppo“ …), само „Apple“, инаку познат по тоа што не коментира за своите производи во развој или гласините за нив, сè уште молчи.
Ова не е првпат да се пишува за „iPhone“ моделот на преклопување. Рендерите кои кружат на Интернет сугерираат на постоење на неколку концепти, а сега се чини дека еден од нив конечно ќе биде имплементиран. „Apple“, сепак, веќе работи на „флексибилен“ модел, кој сериозно е во фаза на развој.
Технолошкиот гигант, сепак, разгледува најмалку два концепта. Еден од нив може да се спореди со моделот „Surface Duo“ на „Microsoft“, кој е опремен со два екрани со шарки. Вториот е поблизу до „Z Flip“ на „Samsung“ или „Motorola Razr“. Двете решенија означуваат дека станува збор за уред кој се преклопува „хоризонтално“.
Непотврдени информации сугерираат дека станува збор за „iPhone“ со екран од 6,7 инчи и димензии на сегашниот модел на „iPhone 12 Pro Max“ кој се преклопува на половина.
Колку време ќе треба да помине од појавувањето на првиот „iPhone“ на преклопување, сè уште е неизвесно, но најверојатно нема да биде подготвен пред следната година.
Коментари