Многу корисници на апликацијата „WhatsApp“ се одлучија да ги избришат своите профили, а најмногу „благодарение“ на новите правила за податоците кои ги донесе „Facebook“.
Потсетуваме, „WhatsApp“ пред неколку дена ги извести корисниците за тоа дека наскоро ќе дојде до промена во политиката, кога станува збор за приватноста.
Во принцип, луѓето кои ја користат ќе мораат да дадат согласност за споделување на податоците со „Facebook“. За работите да бидат уште полоши, профилите ќе бидат избришани на сите корисници кои нема да дадат согласност за ова, а потоа „согласноста“ нема многу смисла.
Новото ажурирање ќе биде објавено на 8-ми февруари, а за податоците да се споделат со „Facebook“, не е потребно да имате профил на оваа друштвена мрежа.
Како што пренесува „Sensor Tower“, давајќи ги податоците што би го поддржале ова тврдење, многумина решиле да ја избришат својата сметка на „WhatsApp“ и да се префрлат на конкурентни апликации, затоа што беа објавени промените во политиката за приватност.
Во исто време, „WhatsApp“, кој до неодамна владееше со светот на апликациите за допишување, имаше „само“ 1,3 милиони преземања од 6-ти до 10-ти јануари. Ако го преведеме во проценти, тоа е пад од приближно 35% во споредба со претходните 5 дена.
„Telegram“ на тој начин имаше 1,5 милиони нови корисници од 6-ти до 10-ти јануари, што претставува зголемување од околу 15%.
Најголем пораст во преземањата, сепак, забележа апликацијата „Signal“. Од 1-ви до 5-ти јануари имал само 24.000 преземања, а од 6-ти до 10-ти јануари дури 2,3 милиони, што е пораст од неверојатни 9,483%.
