Рамос го одбил Реал со зборовите: ПСЖ ќе градат супер-тим, со мене и со Меси!

Серхио Рамос го одбил понудениот договор со Реал Мадрид тврдејќи дека Пари Сен-Жермен ќе му дадат пакет да го донесат капитенот на „Паркот на принцовите“ заедно со капитенот на Барселона, Лионел Меси, тврди шпанската ТВ-програма „Ел Ларгуеро“.

Договорот на Рамос завршува на лето, што значи дека тој може да почне да преговара со потенцијални тимови веќе овој месец. Мадрид претходно се договорија со ветеранот Лука Модриќ за уште една сезона, и се веруваше дека му понудиле исто и на Рамос (кој сакал двегодишен договор), но сега излегуваат детали од разговорот на Рамос со претседателот Флорентино Перез, кои кажуваат поинаква приказна.

„Не го прифаќам предлогот кој го дадовте и отсега ќе слушам понуди. Од ПСЖ ми кажаа дека ќе формираат силен тим со мене и со Меси“, била наводно изјавата на Перез.

Дали се работи за чиста шпекулација, или за стратегија на ветеранот да добие подобри услови од „кралевите“. Се верува дека понудата за Рамос, исто како таа за Модриќ, доаѓа со намалена плата поради финансискиот удар кој клубот го доживеа поради пандемијата на КОВИД-19.

Од друга страна, каков тим на ПСЖ би бил тоа со Нејмар, Мбапе, Меси и Рамос, заедно со Почетино на клупата, можеме само да замислуваме.