„Oracle“ ги надмина предвидувањата на „Wall Street“ со новиот извештај

Американската технолошка компанија „Oracle“ ги надмина прогнозите за приходите и профитот на „Wall Street“ за својот втор фискален квартал, откако тенденцијата за работа од далечина ги поддржуваше нивните облачни производи и продажбата на лиценци за софтвер, пренесува „Reuters“.

Компанијата ги засили своите облачни услуги во кварталот откако луѓето продолжија да работат од дома, што пак помогна да ја зајакне нејзината позиција во однос на облачните понуди на поголемите конкуренти како што се „Microsoft“ и „Amazon.com“.

Нето добивката се искачи на 2,44 милијарди долари или 80 центи по акција, во вториот квартал кој заврши на 30-ти ноември, од 2,31 милијарди долари или 69 центи по акција, една година порано.

Со исклучок на некои елементи, „Oracle“ заработи 1,06 долари по акција, надминувајќи ја просечната прогноза на аналитичарите за 1 долар по акција, според „Refinitiv“.

Вкупните приходи се зголемија за 2 проценти на 9,8 милијарди долари. Аналитичарите очекуваа сумата да достигне 9,79 милијарди долари.