Францускиот падобранец и летач, Винс Рефе, член на славниот тим „Џетмен Дубаи“, познат по своите неверојатни трикови, загина во несреќа на тренинг во Обединетите Арапски Емирати.
36-годишниот Рефе беше познат по своите бестрашни летови со закачени мотори на грбот над Дубаи, но и над француските Алпи. Трагедијата се случила во вторникот кога Рефе тренирал во пустината во близината на Дубаи, но деталите не се откриени.
Рефе стана атракција на интернет со своите бестрашни потези, а во 2014 година постави рекорд со скок од Бурџ Калифа, највисоката зграда на светот (829,8 метри).
