„Facebook“ објави ново ажурирање за „Messenger“ и „Instagram“, што им ја носи на популарните платформи можноста да создаваат разговори кои исчезнуваат/бришат сами по себе, а функцијата се вика „Vanish Mode“.
Новата опција за прв пат беше објавена во септември, кога „Facebook“ претстави вкрстена размена на пораки помеѓу „Messenger“ и „Instagram“. Опцијата е дизајнирана да овозможи да се испраќаат текстови, фотографии, емотикони и стикери кои исчезнуваат кога лицето од другата страна ги погледне или кога прозорецот за разговор ќе се затвори.
За да го вклучите режимот „Vanish Mode“, треба да поминете на екранот на телефонот во тековниот разговор. Со повторно лизгање, тој се враќа на стандардното искуство со разговор.
Опцијата работи само со луѓето со кои е поврзан корисникот и им се нуди опција дали сакаат да влезат во режим „Vanish Mode“ со некого. Покрај тоа, ќе бидете известени кога контактот ќе направи „screenshoot“ од разговорот. Исто така, постојат опции за блокирање или запишување разговори.
Засега, режимот „Vanish Mode“ е достапен само за корисниците на „Messenger“ во САД и неколку други територии и се очекува да биде достапен на повеќе пазари во иднина. Наскоро ќе пристигне и на „Instagram“.
