„Marks & Spencer“ објавија загуба помала од очекуваната во првите шест месеци по силниот перформанс во бизнисот со намирници, што ги неутрализира послабите перформанси на облеката, според „Financial Times“.
Сепак, малопродавачот не даде прогноза за остатокот од годината, повикувајќи се на неизвесноста создадена со втората блокада во Англија, која започнува денеска и ќе трае до 2-ри декември.
„M&S“ објави прилагодена загуба пред оданочување од 17,4 милиони фунти (22,58 милиони долари) за шестте месеци до 26-ти септември, за разлика од минатогодишната добивка од 176 милиони фунти (228,35 милиони долари).
Приходите од продажбата на ланецот за првата половина од годинава достигнаа 4,1 милијарди фунти, исто така над предвидувањата, но сепак 700 милиони фунти под нивото за истиот период од минатата година.
Цената на акциите на компанијата порасна за 3% пред да почетокот на денешното тргување.
Бизнисот со намирници на „М&Ѕ“ има корист од постојаните напори да ги намалат трошоците и насилно да ги затворат рестораните во Велика Британија на пролет. Профитот се зголеми за 19% до 109 милиони фунти, иако продажбата беше непроменета. 38 милиони фунти дојдоа од заедничкото вложување на компанијата со „Ocado“, иако околу една третина од износот беше поврзан со побарување за осигурувањето од пожар во еден од дистрибутивните центри на „Ocado“ во 2019-та година.
Бизнисот со облека на „М&Ѕ“ од профит од 109 милиони фунти во првата половина од минатата година се претвори во загуба од 107 милиони фунти за истиот период од оваа година, откако првата блокада во пролетта влијаеше на продажбата и трговската размена полека се опоравува по отворањето на продавниците.
Од „М&Ѕ“ изјавија дека продажбата може да се опорави побрзо, но тоа не се случи бидејќи компанијата зависеше многу од трговските центри, каде што продажбата се преполови по завршувањето на првата блокада.
Групата откри дека планира да ги забрза своите напори за трансформација преку иницијатива наречена „MS2“ во рамките на својот бизнис со облека. Таа тврди дека ова ќе донесе промена во производите на Интернет, перформансите, цените и маркетингот.
