Нема сомнение дека и основната верзија на „Rolls Royce“ е повеќе од автомобил.
Овој „Rolls Royce“ се нарекува „Ghost“ и чини 273.000 евра, a го придвижува 6.75-литарски „V12“ твин-турбо мотор со 571 KS и 850 Nm.
Возилото има погон на сите четири тркала, но сите тие се управуваат, додека моќта се пренесува преку осумстепениот „ZF“ менувач. Имено, системот ја следи „GPS“ позицијата и зависно од конфигурацијата на патот го избира оптималниот пренос, на пример пред свртување самиот ќе префрли во пониска брзина.
Во кабината е забранета било каква непосакувана бучава. Доволно е да се каже дека каналите за вентилација дополнително се полираат со цел струењето на воздухот да биде апсолутно нечујно.
Дали е ова досега најлуксузниот „Rolls Royce“?