„Tiffany & Co.“ се врати на профитабилноста во својот летен квартал, што им даде надеж на инвеститорите, дека предложената продажба на „LVMH“ за 16 милијарди долари сепак може да се случи, пишува „Bloomberg“.
Компанијата за накит забележа раст на продажбата во сите месеци од мај до јули. Глобалните нето приходи од продажба на компанијата се намалија за 29% во кварталот до 31-ви јули, што е подобрување за падот од 45 проценти за претходниот извештаен период. Прилагодената заработка по акција за вториот квартал ги надмина просечните прогнози на аналитичарите.
И покрај тоа што се со двоцифрена продажба, што покажува дека економските проблеми поврзани со пандемијата продолжуваат, мрачните денови би можеле да стојат зад малопродажбата. Бизнисот на „Tiffany“ со накит потона во раните денови на блокадата, поттикнувајќи загриженост дека наводниот купувач на „LVMH Moet Hennessy Louis Vuitton“ може да се повлече од договорот.
Овие стравови се разгореа на почетокот на оваа недела кога „LVMH“ рече дека го задржува правото да го оспори договорот во подоцнежна фаза, сигнал за кој некои велат дека францускиот конгломерат ги одржува своите опции отворени.
Цената на акциите на „Tiffany“ порасна за 1,3%.
Продолжувањето на продажбата во Кина, клучениот пазар за компанијата, им помогна да ги контролираат падовите. „Tiffany“ исто така ужива поголем интерес за дигиталните платформи, кои обично не се место за купување производи што луѓето претпочитаат да ги гледаат во живо.
На глобално ниво, работењето на компанијата со е-трговија се зголемило за 123% во вториот квартал. Како резултат, приходите од продажба преку Интернет достигнаа 15% од нето приходите во првите шест месеци, што е далеку над 6% забележани во секоја од последните три години.
