Компанијата „Microsoft“ најави конечен крај за веб-прелистувачите „Internet Explorer“ и „Edge Legacy“, а тоа ќе се случи следната година. Плановите за постепено укинување дефинитивно се ближат до својата реализација.
Крајот за „Edge Legacy“ ќе биде на 9-ти март, 2021-ва година и ќе го замени далеку посупериорниот „Edge Chromium“, додека „Microsoft 365“ апликациите ќе ја финишираат поддршката за „Internet Explorer 11“ на 17-ти август, 2021-ва година.
Откако ќе поминат овие рокови, корисниците на неподржаните пребарувачи ќе имаат „ограничено искуство“, новите „Microsoft 365“ можности ќе бидат недостапни, а постоечките можности на веб-апликацијата ќе бидат оневозможени.
„Internet Explorer“ долго време е предмет на исмевање во технолошката заедница поради неговата брзина и лошото корисничко искуство. Репутацијата почна да му се намалува, како и уделот на пазарот кој сега изнесува 1,28 отсто, а додека беше на врвот изнесуваше 95 проценти. Легендарниот веб-пребарувач првобитно се појави во 1995-та година.
