Компанијата „Rovio“ објави дека ќе претстави уште една игра од серијалот „Angry Birds“.
Играта „Angry Birds Star Wars 2“ ќе ја продолжи приказната од првиот дел, но со нови нивоа, нови моќи и со повеќе од 30 карактери со кои ќе може да се игра.
„Rovio“ исто така ја најави и „Telepods“, играчката која овозможува на играчите физички да ги транспортираат карактерите во играта.
„Angry Birds Star Wars 2“ ќе биде достапна за мобилните уреди и компјутерите од 19-ти септември. Компанијата не прецизираше на кои точно платформи ќе се појави играта, но потсетуваме дека претходната верзија беше достапна на „Android“, „iOS“, „Windows Phone“, „BlackBerry“, „OS X“ и „Windows“ системите.
