По вртоглавиот успех на апликациите Zoom и Houseparty, Facebook одлучи да се вклучи во слична приказна.
Како што беше најавено, на корисниците на оваа мрежа ќе им биде овозможено во таканаречениот Messenger Rooms бесплатно да објавуваат видео повици во групи до 50 лица.
Акциите на Zoom по оваа објава се намалија за 5 проценти.
Новата услуга на Facebook, им овозможува на корисниците на самата платформа и Messenger да креираат групи во видео повик, но разликата е во тоа што досегашните видео повици во Messenger се ограничени на само осум лица.
За разлика од Zoom, каде времето е ограничено на 40 минути, Messanger Rooms немаат ограничено време, а ќе имаат можност да “додадат смешни маски на своите лица”. Домаќинот на разговорот ќе може да ги отстрани корисниците, а оние кои го организираат повикот ќе можат да ги повикуваат и оние кои не користат Facebook платформи.
Messenger Rooms ќе може да се користи од утре во одредени региони, а со тек на време оваа можност ќе биде проширена и во други. Не е прецизирано од каде започнува сè.
