Huawei, трета година по ред е компанија со најмногу пријавени патенти до Европската канцеларија за патенти (EPO).
Податоците за 2019 година кои ги објави EPO покажуваат дека Huawei пријавил дури 3.524 патенти. Вкупно, EPO минатата година примил рекордни 181.000 апликации за издавање патенти, што е 4 проценти повеќе од претходната година.
„Бројот на пријавените патенти најдобро покажуваат дека Huawei многу инвестира во иновации“, изјави Луис Беренгуер, портпарол на Европската канцеларија за патенти.
Две третини од апликациите на Huawei се поврзани со дигитални комуникации, што вклучува новата генерација на 5G мрежи.
Huawei е технолошка компанија која инвестира многу во иновации, најмногу во сегментот на 5G технологијата. Од компанијата најавуваат дека оваа година ќе инвестираат помеѓу 15 и 20 милијарди американски долари во истражување и развој на нови 5G технологии, од кои помеѓу 20 и 30 проценти од вкупниот број ќе бидат посветени исклучиво на научно истражување и дополнително образование за 80.000 вработени во истражувачкиот сектор.
