Експерти од агенцијата НАСА, Јужна Кореја и Европската вселенска агенција работат на „соѕвездие“ од инструменти кои ќе се најдат во вселената, а со цел да го следат загадувањето на воздухот на Земјата.
Прецизно мерење на загадувањето во урбаните средини
Новите инструменти би требало да понудат извештаи кои ќе дадат повеќе детали отколку сите системи кои во моментов постојат, а научниците ќе добијат прилика за прв пат да го следат квалитетот на воздухот од вселената, и тоа преку податоци кои на матичната планета ќе пристигнуваат на секој час.
Првиот инструмент е лансиран на 18-ти февруари, а се работи за Geostationary Environment Monitoring Spectrometer (GEMS), кој покрај квалитетот на воздухот, ќе ја следи површината на океанот. НАСА планира до 2022 година во орбитата да испрати скоро идентичен инструмент, додека Европската вселенска агенција до 2023 година во вселената ќе испрати дури два инструменти. Благодарение на овој систем, меѓу другото, полесно ќе го следи и периодичното загадување, како оние кои се случуваат во урбаните средини кога најголем број граѓани заминуваат, или се враќаат од работа.
Постарите инструменти кои се наоѓаат во вселената од истата причина можат да го мерат загадувањето само еднаш дневно, што во блиска иднина треба да се промени, бидејќи новите инструменти ја мерат состојбата секој час, нудејќи поточни податоци, и повеќе информации на основа на кои точно ќе можат да се утврдат најголемите загадувачи.
