Далас стигна до својата десетта победа дома во сезоната, а можеби и не е изненадување што Лука Дончиќ беше во срцето на триумфот на Маверикс. Тексашаните победија со 123-111 против Бруклин и сега имаат биланс од 22-12, што моментно ги става на петтото место во рангот на Западната конференција во НБА.
Дончиќ заврши со 31 поен, 13 скокови, 7 асистенции и 1 блокада за 34 минути игра. Во последната четвртина, тој постигна половина од поените заМаверикс (15) и само три помалку од целата гостинска екипа (18). Словенецот имаше 9/18 од игра (5/8 од тројка), како и 8/9 од линијата за слободни.
Џеј Џеј Бареа додаде 10 поени и 6 асистенции, а Сет Кари се вклучи со 25 поени од клупата (5/5 од тројката). Макси Клебер имаше силни минути како резерва со 18 поени и 3 блока, а истото може да се каже и за Бобан Маријановиќ, кој заврши со 10 поени и 7 скока за само 13 минути на паркетот. Кристапс Порзингис го пропушти вториот последователен натпревар, а се очекува тој да не игра и во сабота против Шарлот.
Уште еднаш, Спенсер Динеди беше најпродуктивниот за Бруклин оваа сезона, постигнувајќи 19 поени. Џанан Муса додаде 14, а ДеАндре Џnордан се истакна со „дабл-дабл“ за „мрежите“ – 10 поени и 10 скока, кои имаа скор од 16-17.
Резултати во НБА:
Индијана – Денвер 116: 124
Кливленд – Шарлот 106: 109
Мајами – Торонто 84:76
Минесота – Голден Стејт 99:84
Чикаго – Јута 98: 102
Далас – Бруклин 123: 111
Сан Антонио – Оклахома 103: 109
Сакраменто – Мемфис 128: 123
Л.А. Клиперс – Детроит 126: 112
