“xHelper” може да ја следи локацијата на корисникот, како и сите слики, видеа и пораки на телефонот.
Новиот малициозен софтвер наречен “xHelper”, кој се претставува како дел од системот на уредите на Android, може да го „преживее“ целосното бришење на сите апликации, како и фабричко ресетирање на уредот.
Компанијата “Symantec” наведува дека иако досега релативно мал број на уреди на Android се заразени со овој малициозен софтвер, самиот факт дека постои, зборува за можноста на хакерите да создаваат вируси кои се тешки или скоро невозможни за откривање и отстранување од уредот.
