Се чини дека Facebook активно ја користи камерата на iPhone телефонот без ваше знаење додека листате.
До ова откритие дојде корисникот по име Џошуа Медокс, кој своето знаење го сподели на Твитер.
До „проблем“ доаѓа со Facebook апликацијата за iPhone, а видеото што го снимил јасно покажува дека камерата активно работи во позадина додека тој скрола на објави.
Found a @facebook #security & #privacy issue. When the app is open it actively uses the camera. I found a bug in the app that lets you see the camera open behind your feed. Note that I had the camera pointed at the carpet. pic.twitter.com/B8b9oE1nbl
— Joshua Maddux (@JoshuaMaddux) November 10, 2019
Сè уште не е познато дали е во прашање очекувано однесување или грешка во софтверот за iOS.
Но, без оглед на причината, ваквото однесување е вознемирувачко кога ќе ги земеме предвид сите проблеми кои ги имаше социјалната мрежа поради начинот на кој пристапува до личните информации на корисникот.
Исто така, секој сопственик на iPhone би требало да знае дека секоја апликација на која е даден пристап до камера може тајно да сними се што прави сопственикот на телефонот.
