Xiaomi вчера го објави телефонот Xiaomi Mi Note 10 за европските пазари, а кинеската компанија, исто така објави дека во Европа ќе биде достапен и Redmi Note 8T. Во прашање е практично ист телефон како Note 8, само со интегрирана NFC подршка.
Redmi Note 8T има IPS LCD дисплеј од 6,3 инча, со пресек во облик на капки и 2340 x 1080p Full HD + резолуција. Телефонот работи со Snapdragon 665 чипсет, во комбинација со до 4 GB RAM меморија и до 128 GB простор за складирање податоци. Достапен е и microSD слот за проширување на складирањето.
Android 9 Pie OS нуди софтверска поддршка, а преку него оди MIUI 10 прилагоден интерфејс. Сè напојува батерија со капацитет од 4000mAh, а во пакување доаѓа 18W полнач.
Продажбата на Redmi Note 8T на европските пазари започнува следната недела. Моделот со 3GB RAM меморија и 32 GB складирање чини 179 евра, додека 4GB RAM + 128GB моделот чини 249 евра. Телефонот е достапен во сина, бела и црна боја.