Sony објави тизер за „Xperia”, кој се совпаѓа со гласините од порано, а се однесува на постоењето на помал телефон – Sony Xperia 2 со 6,1-инчен екран.
Телефонот, наводно, има OLED екран со 4K резолуција и 21:9 сооднос на страните, исто како и Xperia 1 (кој е 6,5 инчен модел). Покрај тоа, се очекува Xperia 2 да има и Snapdragon 855 чипсет и три камери.
Интересно е што бојата на позадината од тизетот совршено одговара на рендерите, на кои наводниот Xperia телефон е прикажан во сина и виолетова варијанта.
Sony во текот на IFA саемот во Берлин, ќе одржи својата презентација на 5 септември, кога ќе дознаеме повеќе детали за претстојните производи на компанијата.