Италијанскиот шампион Јувентус ја објави цената на црногорскиот репрезентативец Мирко Вучиниќ како одговор на заинтересираноста за напаѓачот од рускиот гигант Зенит (Санкт Петербург).
Откако „бјанконерите“ го доведоа аргентинскиот репрезентативец Карлос Тевез, а вчера го претставија и шпанскиот напаѓач Фернандо Лјоренте, шефовите на клубот се согласуваат да се разделат со Вучиниќ но не за сума помала од 18 милиони евра.
Интерес за Вучиниќ има и од страна на Тотенхем, но тренерот на Зенит, Лучијано Спалети е решен да го доведе во тимот од Санкт Петербург и се очекува во најскоро време тој да упати официјална понуда за Црногорецот.
