Шпанскиот шампион Барселона ќе се обиде да го купи бразилскиот репрезентативец и дефанзивец на ПСЖ, Тиаго Силва.
Според каталонските медиуми шефовите на тимот од „Ноу Камп“ ќе испратат официјална понуда во вредност од 32 милиони евра, која многу веројатно веднаш ќе биде одбиена од ПСЖ. Претставници на Барса веќе се сретнаа со агентот на Тиаго Силва и сметаат дека ваквиот предлог е реален.
Раководството ПСЖ минатото лето му плати на Милан 42 милиони евра за 28-годишниот дефанзивец. Можно е Барселона да ја зголеми својата понуда, доколку првичната биде одбиена. Агентот на Силва исто така преговара со ПСЖ да дозволат неговиот клиент да го напушти клубот.
