Американската компанија Apple започна денес со издавање на сoпствена кредитна картичка Apple card, која ќе биде достапна за корисниците на iPhone.
Apple го објави лансирањето на картичката уште во март, во партнерство со американската инвестициска банка Goldman Sachs, објави американската агенција AP.
Ограничен број корисници на iPhone, кои претходно изразија интерес за картичката, ќе добијат денес меил од Apple, поканувајќи ги да аплицираат за добивање картичка преку апликацијата Wallet на нивниот iPhone. Процесот на одобрување на виртуелна картичка ќе трае неколку минути, а доколку барателот на пријавата биде одобрен, Apple card може да се користи веднаш, изјави денеска портпаролот на компанијата.
За испораката на физичките картички, изработени од титаниум, ќе биде потребно два до три дена, а картичката, како што е соопштено, засега е достапна само во САД.
Компанијата вети брза регистрација за добивање на картичката и елиминирање на повеќето такси, наведувајќи исто така, дека клиентите кои купуваат преку апликацијата за плаќање Apple Pay, добиваат враќање на средствата во готовина во висина од два проценти од вредноста на извршената трансакција.
