Тотенхем испратил понуда за напаѓачот на Валенсија, Роберто Солдадо во вредност од 17 милиони фунти.
Тотенхем понуди 17 милиони за Солдадо
28-годишниот Солдадо има договор до 2017-та година со шпанскиот тим и неговата откупна клаузула изнесува 27 милиони фунти. Финансиските проблеми на Валенсија сепак може да го принуди раководството на „лилјаците“ да го продадат својот најдобар голгетер и за многу помала сума.
Иако не настапи многу за време на натпреварите од Купот на Конфедерации, Солдадо е дел од шпанскиот национален тим и многумина споменуваат дека тој веќе си има резервирано место и за догодина, за време на Мундијалот.
Менаџерот на Тотенхем Андре Вила-Боаш бара двајца напаѓачи во летниот преоден рок. Тој веќе и понуди 10 милиони фунти на Барселона за Давид Вилја.
Друг играч кон кој се насочил Вила-Боаш е бразилецот Леандро Дамиао од Интернасионал.