Wall Street Journal пренесува непотврдена информација дека Huawei на американскиот пазар планира да спроведе бран отпуштања на вработените.
Цел на отпуштања би требало да биде американската подружница Futurewei Technologies која се занимава со секторот истражување и развој.
Се споменува дека од вкупно 850 вработени во подружницата, би требало да бидат отпуштени неколку стотици (неименуван извор тоа го споменува во Wall Street Jornal). Кинеските вработени во САД наводно добиле избор да се вратат во Кина и од таму официјално да останат вработени во компанијата Huawei.
Официјално известување за отказите би требало да биде објавено многу скоро. Подружницата Futurewei Technologies до сега беше заслужна за околу 2100 патенти од областа како што се телекомуникации, 5G мрежи, камери и технологии поврзани со видео.
