Плејмејкерот на Лос Анџелес Клиперс, Крис Пол од денеска е слободен агент, но тој статус го задржа многу кратко време.
Како што е најавено, Пол потпишал нов петгодишен договор со Клиперс вреден 107 милиони долари, па така тој и во иднина ќе го носи дресот на тимот од Лос Анџелес.
Пол минатата сезона ги предводеше Клиперс до првата рунда во плеј-офот каде беа поразени од Мемфис Гризлис. Меѓутоа со доаѓањето на клупата на новиот тренер Док Риверс, амбициите на клубот значително пораснаа и поради тоа не е ни чудна одлуката на еден од најдобрите кретори на играта во лигата да не ги разгледува понудите од другите клубови.
