Фудбалерот на Шалке, Јулијан Дрекслер на крајот од сезоната одбил две преголеми и атрактивни понуди кои пристигнале на неговата адреса.
Како што е веќе познато во мај 19-годишниот талент го продолжи договорот со сегашниот клуб до летото 2018-та година, а во новиот договор има откупна клаузула со вредност од 45.5 милиони евра.
Само неколку недели подоцна Реал Мадрид и Манчестер Сити беа подготвени да ја платат оштетата нудејќи му на Дрекслер 5-годишен договор и плата од околу 12 милиони евра годишно.
Тој сепак ги одбил двете понуди, иако е јавна тајна дека од дете навива за Реал Мадрид, а негов идол е легендата на „кралевите“, Раул. До моментов највисоката сума платена во историјата на германскиот фудбал е 40 милиони евра кои Баерн ги издвои за Хави Мартинес во текот на летото во 2012-та година.
Освен Реал и Сити во трката за Дрекслер се вклучил уште еден англиски клуб, кој бил подготвен веднаш да плати 45.5 милиони евра.
Дрекслер кој заработува по 3 милиони евра по сезона во Шалке, одбил да го промени тимот, бидејќи сака повторно да игра во Лигата на Шампионите со својот матичен клуб.
