Овен (21.03 – 20.04)
Вашите колеги ќе имаат недоверба во вас, но тоа на крајот на денот ќе се промени и ќе добиете извинување. Вашата ангажираност е голема, очекувајте зголемен профит. Во овие десетина дена внимавајте на кого му верувате, ќе се појават некои лица кои ќе сакаат да го заземат вашето место.
Бик (21.04 – 21.05)
Имате многу планови но еден по еден ги отфрлате затоа што не знаете што сакате. Ова не е период за преземање на акции. Денес Меркур почнува да оди наназад и ќе ги наруши сите ваши планови околу финансиите. Искористете ја енергијата што ја имате на забава, тоа најдобро ви оди во моментот. Внимавајте и не влегувајте во конфликтни ситуации.
Близнаци (22.05 – 22.06)
Ќе ви се пружи можност да се сретнете со некои роднини или пријатели со кои секогаш сте биле многу блиски, а долго време не сте ги виделе. Би требало малку поинвентивно да изработите план кога станува збор за состојбата на финансиски средства и нивната распределба. Можна е кавга со некое многу блиско лице.
Рак (22.06 – 22.07)
Финансиската ситуација ви е солидна, со мали осцилации. На работното место нема никакви промени. Тоа значи дека полека ќе ве фаќа монотонија и ќе барате начин како да се забавувате. Конечно ќе се сетите како да му приредите убаво изненадување на партнерот и ќе го направите пресреќен. Вашата среќа денес ќе нема крај.
Лав (23.07 – 22.08)
Денес бидете дарежливи кон себе и кон оние што ви значат. Планирањето на трошоците е во ред, но понекогаш треба да си пружите и по некое задоволство. Денес планетите ќе ве поттикнат да го прославите вашиот личен успех. Не седете со скрстени раце и соберете ги пријателите и колегите. Преземете ја лидерската функција во организацијата и направете сите да ве следат вас.
Девица (23.08 – 22.09)
Ова е одличен момент да почнете да заработувате. Многу вложувавте, па нормално е да ви се врати. Потрудете се да не се расправате со соработниците. Загрижени сте, а и самите не знаете зошто. Потрудете се да се смирите и да бидете потолерантни. Поведете повеќе сметка за неконтролираното трошење и заштедете некој денар.
Вага (23.09 – 22.10)
Упорно сакате вербално да се докажете, мислите дека секогаш сте во право. Бидете трпеливи, бидејќи може да се исцрпите докрај ако продолжите со расправиите. Размислете објективно за тоа до каде сте и како се чувствувате. Моменталната состојба не ви е многу сјајна, но за тоа сте виновни единствено вие, во иднина пред да ги одложувате работите, размислете за последиците.
Шкорпија (23.10 – 21.11)
Ќе се појават проблеми на емотивен план како последица на погрешни процени, но затоа периодот ви е поволен за уметност. Доколку она што ви задава проблеми на материјален план, го пренасочите на духовен и на филозофски план, ќе постигнете рамнотежа и ќе бидете задоволни. Инспирацијата ви е нагласена, па не дозволувајте да остане неискористена.
Стрелец (22.11 – 21.12)
Астролошката куќа на пријатели е добро позиционирана, во овој период ќе им посветите големо внимание на средбите со пријателите. Не се откажувајте од вашите цели и од она што го работите, многу полесно можете да постигнете повеќе од тоа што мислите. Бидејќи среќата ве следи на љубовен план, не оптоварувајте се со ситници, туку обидете се да се олабавите и да уживате.
Јарец (22.12 – 20.01)
Во очекување сте на вест од некој кој неодамна сте го сретнале и сте разговарале за некоја важна работа. Некој Бик или Шкорпија ќе се заинтересираат за вашите идеи. Во моментов малку работи се случуваат во ваша корист, не се грижете, се ќе помине во најдобар ред. Ќе добиете прилика да се сретнете со некој Овен.
Водолија (21.01 – 19.02)
Малку неповолен период, но лесно ќе го поминете. Оние што се во врска ќе треба подобро да балансираат. На работното место одлично ќе се снаоѓате. Некои ќе се покажат како добри советници, а своето знаење лесно ќе го применат во пракса. Малите несогласувања во комуникацијата ќе бидат со краткотраен карактер.
Риби (20.02 – 20.03)
Поради нешто сте вознемирени, работите не ви се поставени на свое место. Одличен ден за склопување договори и за деловни реформи. Се ќе биде поуспешно отколку што замислувавте. Но, тоа не значи дека финансиите ќе ви бидат сјајни, пробајте да им одолеете на слатките излози од продавниците, и заштедете некој денар.
