Моделот „Citroen C3“ нема да биде заменет со еквивалентен модел кога ќе дојде до крајот на својот производствен циклус. Во текот на наредната година „PSA Peugeot-Citroen“ се подготвува да го претстави новиот градски автомобил кој ќе биде дел од новата маркетиг стратегија на француската групација.
Според новата стратегија „Peugeot“ ќе ја позиционира својата линија малку подолго на пазарот, додека „Citroen“ ќе произведува поевтини модели. Ова незначи дека „Citroen“ ќе се спротиставува на брендот на „Renault“ за евтини модели, „Dacia“, туку дека новите модели ќе бидат поедноставни и подостапни за разлика од оние на „Peugeot“.
С3 моделот ќе биде заменет со модел кој ќе се врати на корењата и кој е интерно познат како Е3. Овој модел ќе биде претставен во септември на саемот за автомобили во Франкфурт и ќе биде инспириран од концептниот автомобил од 2007-та година „Cactus“.