И покрај тоа што Google на сите начини се обидува да ги зачува информациите за нивниот нов паметен телефон Pixel 3a, тие сепак успеале да ”протечат”. Страницата Droid Life дошла до фотографии и многу детали за новиот Google Pixel телефон: моделот 3а со екран со дијагонала од 5,6 инчи и 6 инчен Pixel 3а XL.
Идните купувачи на овој уред очекуваат 4GB RAM меморија и 64GB внатрешна меморија, задна камера од 12 и предна 8 мегапикселна камера, како и екран резолуција од 2.160 x 1.080 и 2.220 x 1.080 пиксели, во зависност од моделот.
Меѓу протечените информации нема податоци за тоа дали ќе се користи Qualcomm Snapdragon 670 или 710 процесор.
Новиот телефон на Google ќе има Night Sight технологија за фотографирање, која се наоѓа и кај напредниот Pixel 3. Уредот ќе го обезбедува батерија со капацитет од 3000 и 3.700 mAh. Сигурно е дека овие телефони ќе бидат достапни во црна и бела боја, како и во “бледа” виолетова варијанта.
Моделот Pixel 3a треба да чини 399, а Pixel 3a XL 475 долари.
