Медиумите во Италија тврдат дека раководството на Наполи започнало преговори со Реал Мадрид за доведување во своите редови на младиот фудбалер на „кралевите“, Хозе Калјехон.
Според информациите спортскиот директор на Наполи се сретнал со агентот на Калјехон, Мануел Гарсија Килон за да преговараат за личните услови на фудбалерот.
Екипата од Неапол е подготвена на Реал Мадрид да му плати 10 милиони евра за Калјехон.
Квалитетите на Кајлехон добро ги познава новиот тренер на Наполи, Рафа Бенитез, па на негова иницијатива првите луѓе на неаполитанците одлучиле да стапат во контакт со раководството на Реал.
Сепак оставнува да се види како на оваа понуда ќе одговорат во тимот од Мадрид. Можеби токму Калјехон и плус одредена сума ќе бидат доволни од Неапол во главниот град на Шпанија да дојде Едисон Кавани кој е една од главните трансфер цели на „кралевите“.
