Долго очекуваниот трансфер на Шпанецот Jaго Аспас во Ливерпул веќе е реалност. 25-годишниот напаѓач дојде на Енфилд од Селта за сума од 7 милиони фунти. Тој е третото ново засилување на Брендон Роџерс по Коло Туре и Луис Алберто.
„Ливерпул го потврди доведувањето на напаѓачот Јаго Аспас. Договорот со Селта веќе е финализиран, а откако играчот успешно ги помина медицинските прегледи, тој стави потпис на долгорочен договор“, објави Ливерпул на клупскиот сајт.
Аспас имше одлична сезона во која постигна 12 гола во 33 натпревари и беше еден од најзаслужните Селта да го задржи своето место во Примера дивизион.
Инаку Аспас е втор нов напаѓач во селекцијата на Роџерс, откако минатата недела тие доведоа уште еден Шпанец, Луис Алберто. 21-годишниот младински репрезентативец премина на „Енфилд“ од Севилја за сума од 6 милиони фунти.
