Екипата на Хјустон Рокетс им се врати на победите во НБА-лигата и на домашен терен водени од фантастичниот Џејмс Харден успеаја да слават над Мемфис Гризлис со 112-94.
„Ракетите“ доминираа цела средба, а прашањето околу победникот го решија во третиот квартал од мечот. Иако тимот од Тексас беше десеткуван и играше без повредени играчи како Пол, Гордон и Капела, симултанка имаше „Брадата“, кој направи шоу.
Харден имаше рекорд на сезоната и успеа да постигне 57 поени (17/33 од игра, 6/15 за три, 17/18 слободни фрлања), со уште девет скока и две асистенции за вкупно 34 минути на паркетот. На полувремето ланскиот МВП имаше 36 поени, што му е рекорд.
Кај Мемфис Гризлис, Конли и Темпл дадоа по 14 поени, додека Џексон и Каспи финишираа со по 12 поени.
На останатите натпревари во НБА-лигата, Тони Паркер со Шарлот се врати кај Сан Антонио Спарс, а „стршлените“ успеаја да слават со 93-108. Бруклин Нетс на домашен терен беше подобар од Бостон (109-102), додека Јута го совлада Детроит (100-94).
Сакраменто Кингс остана во игра за плеј-оф откако дома го победи Портланд (115-107), додека во Лос Анџелес, Клиперси на домашен терен загубија во неизвесна завршница од Њу Орлеанс, во дуел во кој експлодира Ентони Дејвис со 46 поени (117-121).