Капитенот на фудбалската репрезентација на Хрватска, Лука Модриќ, е најдобриот спортист на Балканот во 2018 година. Изборот традиционално, уште од 1973 година, го организира бугарската новинска агенција, а гласаат новинските агенции од регионот.
Модриќ е вториот фудбалер кој во изборот на БТА е прогласен за најдобар, по Христо Стоичков во 1994 година. Играчот на Реал претходно од страна на ФИФА и „Франс фудбал“ беше пргласен за најдобар фудбалер во светот, а вчера во изборот за спортист на Европа, што го организира полската новинска агенција, заврши на второто место, зад Новак Ѓоковиќ.
Капутенот на Хрватска во гласањето освоил 75 од можните 90 гласа.
На второто место заврши Новак Ѓоковиќ, кој од 2011 до 2015 година ја освојуваше оваа награда.
Трета е Симона Халеп, најдобрата во светот на тенисот.
Кога станува збор за македонските спортисти, најмногу бодови освоил фудбалерот Езџан Алиоски. Тој во изборот заврши на 17.место, а четири места подолу е капитенот на ракометната репрезентација Кире Лазаров.
Најдобрите спортисти на Балканот за 2018 година:
1. Лука Модриќ (Хрватска, фудбал) – 75
2. Новак Ѓоковиќ (Србија, тенис) – 73
3. Симона Халеп (Романија, тенис) – 65
4. Елефтериос Петруниас (Грција, гимнастика) – 46
5. Марин Чилиќ (Хрватска, тенис) – 36
6. Сандра Перковиќ ( Хрватска, атлетика) – 33
7. Тијана Бошковиќ (Србија, одбојка) – 25
8. Тајбе Јусеин (Бугарија, борење) – 20
9. Рами Гулиев (Турција, атлетика) – 18
10. Катерина Стефаниди (Грција, атлетика ) – 15
