„Ford“ ја искористи растечката популарност на крос верзиите на караван возилата во Европа, па на своите купувачи им го понуди моделот „Focus Active Wagon“.
Ford претстави Focus караван за сите терени (фото+видео)
Автомобилот е базиран на стандардниот караван, но со зголемено растојание од тлото и тоа за 30 mm напред и за 34 mm позади.
Нормално, тука и неизбежната заштита од пластични додатоци кои сочуваат лакот на долните делови од каросеријата (браниците и крилата) од удари од камчиња при возење по чакал и други неасфалтирани патишта.
„Focus Active Wagon“ има и различно дизајнирани браници и маска на ладиникот, а стандарден дел од опремата се шините на покривот и специјално дизајнираните алуминиумски бандажи.
Како и хечбекот „Focus Active“, и караванската верзија има различни навлаки на седиштата од регуларниот модел, а воланот и рачката од менувачот се обложени со кожа.
Покрај тоа, верзијата „Active“ доби и модифицирана суспензија, прилагодлива за возење надвор од асфалтираните патишта.
На возачот на располагање му се дури 5 пред-дефинирани режими на возење.
Покрај трите постоечки режими („Normal“, „Sport“ и „Eco“), кои се достапни и кај основниот „Focus“, воведени се и „Slippery“ и „Trail“, наменети за возење по калива подлога, снег, мраз и песок.
Моторизацијата на моделот „Focus Active Wagon“ се состои од два „EcoBoost“ турбо бензинци и два „EcoBlue“ турбо дизели.
Основниот бензинец е 1.0-литарски со 125 ks, a на располагање е и 1.5-литарски агрегат со 150 ks.
Оние кои ќе се одлучат за дизел мотор, можат да изберат помеѓу 1.5-литарската единица со 120 ks и 2.0-литарскиот агрегат со 150 ks.
Во понудата се и две опции на менувачи – шестбрзински мануелен и осумстепен автоматик. Погонот на сите 4 тркала не е достапен.