Европската фудбалска унија (УЕФА), соопшти дека почнувајќи од 2020 година ќе ги зголеми средствата наменети за развој на женскиот фудбал.
УЕФА објави дека фондот на пари, наменет за женскиот фудбал, ќе биде зголемен за 50 отсто, односно дека националните федерации од Програмата за развој на женскиот фудбал, од 2020 година, ќе добиваат по 150.000 евра годишно.
Првиот човек на УЕФА, Александар Чеферин, кој ја соопшти одлуката на оваа организација, рекол дека „потенцијалот на женскиот фудбал нема граници“.
