Според шпанските законите за затајување на данок во оваа земја може да се добие затворска казна од две до шест години. Но доколку ова е прво дело на сторителот може да се извлече само со парична казна.
Меси нема да оди во затвор, но ќе плати голема казна
Јавниот обвинител на Шпанија покрена постапка против Лионел Меси и неговиот татко за наводно даночно затајување. Тоа беше вест која ја шокираше целата јавност, а се чини дека и самиот Меси.
„Навистина сум изненаден. Секогаш го плаќав данокот“, објави Меси на својот профил на „Facebook“.
Шпанските медими велат дека Меси и неговиот татко се обвинети за проневера во периодот од 2007-та до 2009-та година. Според пресметките затајувањето достингало до четири милиони евра.
Доколку се докаже дека ова е прво дело на Меси, тој би требало да плати парична казна помеѓу 8 и 25 милиони евра.