Серхио Бускетс потпиша нов договор со Барселона, со кој фудбалерот од средниот ред ќе остане на „Камп Ноу“ до 2023 година, а во условите на новиот договор има клаузула за отпуст од фантастични 500 милиони евра.
30-годишниот Бускетс е дел од славната академија „Ла масија“ на Каталонија и ја помина досега цела кариера во тимот на Барселона, каде што најверојатно и ќе ја заврши кариерата. Овој договор доаѓа по шпекулациите дека Бускетс е заинтересиран да се приклучи на својот поранешен ментор Пеп Гвардиола во Манчестер сити, но сега на таа поврзаност и доаѓа крај.
Со овој договор, Бускетс сигурно ќе ја помине границата од 500 настапи за својот клуб, бидејќи за тоа му недостасуваат само уште 10 настапи.
