Новиот „iPhone XS“ и „XS Max“ се дефинитивно поприлично скапи. Овие се веројатно најскапите паметни телефони на пазарот во овој момент. Но најлошото претстои. Смартфонот „Galaxy X“ со цена од 1.500 долари ќе биде претставена во ноември. Тука треба да се прецизира дека „Galaxy X“ не е предвиден да биде уред за масовна продажба, додека моделите на „iPhone“ се продаваат на милиони корисници.
Во следните редови претставуваме листа од паметните телефони кои може да ги купите наместо „iPhone XS“/„XS Max“. Примерите подолу не вклучуваат само еден паметен телефон, туку повеќе. Тука спаѓаат најевтините модификации на „iPhone“ со најмалку меморија.
Наместо „iPhone XS Max“ може да купите „Galaxy Note 9“ и „Poco F1“. Во уредот „Note 9“, добивате 2 пати повеќе внатрешна меморија.
На местото на „iPhone XS Max“ може да земете два „Galaxy S9 +“, ако ги купите во „Amazon“, ќе заштедите 620 евра.
Во случајот со „OnePlus 6“ може да купите два смартфони и ќе ви останат пари за квалитетни футроли и заштитни стакла.
Ситуацијата со „Xiaomi“ е уште поинтересна. Наместо „XS Max“ може да добиете 3 смартфони „Xiaomi Poco F1“ со процесор „Snapdragon 845“ и ќе ви останат пари за „Xiaomi Mi A2“ со чист „Android“ и процесор „Snapdragon 660“.
Дури и во случајот со „iPhone XS“ корисникот има шанса да купи истовремено „Galaxy S9“ и „Galaxy S9 +“, ако купувањето се одвива во „Amazon“. Покрај тоа, корисниците ќе можат да купат два „Pixel 2 XL“ наместо „XS“. Поради скорешната појава на „Pixel 3“ и „3 XL“ колегите од „gsmarena“ не препорачуваат да се купат овие модели.
Одиме чекор понатаму. „iPhone XS Max“ во верзија со 256 GB внатрешна меморија чини за 170 евра поскапо од верзијата со 64 GB, а верзијата со 512 GB е за 230 евра поскапа од верзијата со 256 GB. За 170 евра можете да купите „Mi A2 Lite“, а за 230 евра – „Mi A2“.
