Иднината на Пол Погба во Манчестер Јунајтед останува неизвесна. Во последниве месеци, се повеќе се зборува дека Французинот нема да остане на „Олд Трафорд“ уште долго време, и дека неговиот агент Мино Раиола работи на трансфер назад во Јувентус.
Сепак, според последните вести, постои можност тој да остане во Јунајтед, и тоа ќе зависи од престојот на Жозе Мурињо.
Ако Португалецот биде отпуштен и на негово место пристигне Зинедин Зидан, какви што се последните гласини, Погба речиси сигурно ќе ја преиспита својата одлука и ќе остане на „Олд Трафорд“.
Тој со задоволство би работел со сонародникот, додека ако Мурињо сепак остане на чело на „црвените ѓаволи“, тоа практично ќе значи разделба со Погба, кој не е во добри односи со менаџерот.
