Реал Мадрид ја почна новата сезона во Ла лига со рутинска 2:0 победа над Хетафе, во која главна улога имаше Велшанецот Герет Бејл, кој во отсуство на Кристијано Роналдо ќе треба да ја преземе „контролата“ на нападот на „Лос бланкос“.
Бејл прво во 20. минута му асистираше на Даниел Карвахал, за потоа во 52. минута и самиот да постигне гол за победнички старт во Шпанија на новиот тренер Хулен Лопетеги и за заборавање на 4:2 поразот од Атлетико во европскиот Суперкуп.
Севилја исто така имаше победнички старт на новата сезона откако со 4:1 славеше на гостувањето кај Рајо Валјекано, благодарение на засилувањето од Милан, Андре Силва, кому очигледно повеќе му „лежи“ шпанскиот фудбал бидејќи лани во цела сезона немаше постигнато три гола за „росонерите“.
ЛА ЛИГА, 1.КОЛО
Еибар – Хуеска 1:2
Рајо Валјекано – Севилја 1:4
Реал Мадрид – Хетафе 2:0
