Светската фудбалска ѕвезда Лионел Меси е обвинет за даночно затајување, објавија неколку каталонски медиуми, а по нив и многу други светски медиуми.
Според нив Обвинителството поднело обвинение против Лео и неговиот татко Хорхе Орасио Меси Перез за финансиски криминал во 2007-та, 2008-та и 20090-та година. Јавните обвинители доставиле доказен документ до градскиот суд во областа Гава (Барселона), каде е заведена финансиската адреса на фудбалскиот мајстор.
Според обвинението Меси ја измамил државата за околу четири милиони евра. Причините за поднесеното обвинение од обвинителот Ракел Амадо се акумулираните средства од јавните права на Аргентинецот во периодот од 2007-та до 2009-та година за кои не биле пријавени во даночната декларација на Меси поднесена во општината Барселона.
