„Google“ ги следеше чекорите на „Apple“ со забрана на апликациите за копање на криптовалути во „Play Store“, објави „ВВС“.
Ажурирањето на политиката за програмери вели: „Ние не дозволуваме апликации што копаат криптовалути на уреди“.
Претходно, компанијата ги забрани додадените приклучоци за копање на криптовалути за прелистувач „Chrome“.
Овој потег претставува уште еден начин за банките и технолошките компании да се справат со практичноста на криптовалутите.
Забраната не го вклучува целиот софтвер, туку вклучува копање на виртуелна валута. Слично на „Apple“, „Google“ соопшти дека ќе им дозволи на луѓето да направат апликации кои ќе им овозможат да управуваат со копање на друго место – платформа за „cloud computing“, на пример.
Копањето на виртуелни валути стана профитабилен бизнис во последниве години, благодарение на брзиот раст на вредноста на утврдените и новите валути. Процесот на копање често бара огромна количина на компјутерска моќ за да се направи брзо.
Кога копањето се одвива на уред, постои ризик телефонот да се прегрее како резултат на интензивниот процес. Покрај тоа, може брзо да ја исцеди батеријата.
Некои хакерски групи се насочени кон копањето на критповалути.
Ограничувањата во областа на криптовалутите се дел од неколкуте промени што ги направи „Google“ во своите политики за развој. Покрај тоа, има ограничени апликации за продажба на оружје, муниција и експлозиви.
„Google“ исто така предупреди дека ќе почне да ги отстранува апликациите што копираат други програми во „Play Store“ и нема да додаваат работи кои не се нови или уникатни.
