Екипата на Шкендија го дозна името на можниот ривал во третото квалификациско коло во Лигата на шампионите. Пред Шкендија стои Ред Бул Салцбург, екипа што минатата сезона стигна до полуфиналето во Лига Европа.
За да стигне до двомечот со австрискиот тим, Шкендија ќе мора најпрвин да го елиминира првакот на Молдавија, Шериф Тираспол.
Шериф, утре од 20.15 часот, ќе гостува во Скопје, а реваншот во Молдавија ќе се одигра за една недела.
Доколку Шкендија успее да го мине молдавскиот шампион, термините за дуелите со Салцбург се на 7 и 8 и на 14 и 15 август.
Во случај шампионот на Македонија да не го мине Шериф Тираспол, тогаш европските натпревари ќе ги продолжи во третото коло во Лига Европа.
