Во почетокот на јуни ги добивме првите информации за „Xperia XZ3“. Набргу потоа, имавме шанса да дознаеме како новиот „Xperia“ стои на „GFXBench“, а сега имаме информации за цената на уредот.
Извор е веб-страницата „Mobile Fun“ која веќе започна да прима нарачки за „Xperia XZ3“. Според тоа, споменатите спецификации и цени треба да се сметаат за легитимни. Барем додека „Sony“ на саемот „IFA2018“ официјално не го објави новиот член на семејството „Xperia“.
„Mobile Fun“ вели дека „Xperia XZ3“ има 5,7-инчен екран за резолуција од 2.160 x 1.080 пиксели. Од приложените фотографии се гледа дека „Sony“ ги следи трендовите и дека овој пат на екранот го нема популарниот „заб“ или „notch“. Но, на задната страна се наоѓаат две камери, чија резолуција изнесува 19 MP и 12 MP, што е уште едно потврда што се совпаѓа со претходните гласини. Од напред, „Sony“ одлучи да поставите само една камера и тоа со 13 MP резолуција.
„Xperia XZ3“ го користи просецорот „Snapdragon 845“, има 6GB RAM и 64GB внатрешна меморија. Батеријата има капацитет од 3.240 mAh. Приложената фотографија покажува дека „Xperia XZ3“ исто така има и стандарден скенер за отпечатоци од прст, кој е монтиран на задниот дел од смартфонот веднаш под камерата.
Оперативниот систем е „Android“, најверојатно „Android 8.1 Oreo“. А цената? Вистинска ситница – 849,99 евра (со вклучен данок). Инаку, оваа цена се однесува на отклучен уред.