Леброн Џејмс, најдобриот кошаркар на денешнината, договорил четири годишна соработка со ЛА Лејкерс, објавија американските медиуми.
„ЕСПН“, повикувајќи се на „Клач спорт“, објави дека досегашниот играч на Кливленд Кавалирс, со новиот ангажман ќе заработи 154 милиони долари.
Трикратниот НБА шампион, викендов бил во Лос Анџелес, за да ја договори соработата со една од најславните франшизи во НБА лигата.
Леброн втор пат во кариерата го напушта Кливленд, на кого му ја донесе единствената титула во историјата.
