Премиерлигашките екипи, прв пат во историјата, ќе имаат зимска пауза, што е пракса во останатите европски национални првенства.
Фудбалската асоцијација на Англија (ФА), потврди дека тимовите од Премиер лигата, во февруари, ќе имаат пауза од две недели.
Од ФА се надеваат дека воведувањето на зимската пауза ќе им помогне на клубовите да остварат забележителни резултати во европските купови.
„Со години водевме разговори паузата да биде воведена и конечно успеавме да го направиме тоа“, рекол Мартин Глен, извршниот директор на ФА.
Инаку, паузата не е воведена за време на новогодишните и Божикните празници, поради големиот интерес на медиумите и носителот на правата за емитување на натпреварите.
