Алваро Мората најверојатно ќе го запечати враќањето во Јувентус, откако повеќе британски и италијански извори потврдија дека тој веќе ги договорил личните услови со италијанскиот клуб и се чека само на потврда на Челси.
Според „Раи спорт“, договорот е направен и тоа со намалена плата за Шпанецот. Поранешниот фудбалер на Реал Мадрид заработува 9 милиони евра годишно во Челси, додека најскапиот играч на Јуве е Гонзало Игуаин со 7.5 милиони евра.
Челси минатото лето го купи Мората за одлични 66 милиони евра и секако ќе бара добра сума, но „Раи“ додава дека е можна опција со позајмица за две години, слично како со Хуан Квадрадо.
Мората освои две италијански титули и играше во финалето на ЛШ со Јуве од 2014 до 2016 година, додека во деби-сезоната на „Стемфорд бриџ“ имаше доста проблеми, иако досега има солидни 15 голови.
