Samsung официјално ги претстави „Galaxy A6“ и „A6+“ телефоните, а уредите пристигнуваат со претпознатливиот „Super AMOLED Infinity Display“ во средниот пазарен сегмент, заедно со 18.5:9 oднос на страните.
„Galaxy A6“ има екран од 5.6 инчи и 1480x720p резолуција. На задната страна се наоѓа 16Mf/1.7 камера, додека на предната има 16MP f/1.9 сензор со сопствен „LED“ блиц. Телефонот работи со осумјадрен 1.6GHz CPU, со 4GB и 4GB RAM, oдносно 32GB и 64Gb простор за складирање податоци. Тука е и поддршката за „microSD“ картичка до 256GB. „Galaxy A6“ има батерија од 3000mAh и пристигнува со „Android 8.0 Oreo“ оперативниот систем.
Поголемиот член на семејството – „Galaxy A6+“ доаѓа со 6-инчен екран и 2220x1080p резолуција. На задната страна се сместени две камери со 16MP f/1.7 + 5MP f/1.9 сензори, додека „селфи“ камерата е од 24MP f/1.9 со „LED“ блиц. „Galaxy A6+“ има малку подобар 1.8GHz осумјадрен процесор и ист „RAM“ и простор како и „Galaxy A6“. Батеријата има капацитет од 3500mAh, a тука е и „Android Oreo“.
Двата телефони поддржуваат„ LTE Cat.6“ со 2CA, Wi-Fi 802.11 a/b/g/n, Bluetooth 4.2, NFC (но не на сите пазари), GPS, Glonass и BeiDou. Уредите ќе бидат достапни во црна, сина, златна и лаванда верзија. Телефоните имаат „Dolby Atmos“ оптимизиран звук на слушалките, „Bixby Vision“, „Bixby Home“, „Bixby Reminder“ и „Samsung Pay“ поддршка. Во мај ќе пристигнат на одредени пазари, кои ги вклучува Европа, Азија и Латинска Америка.
