Јан Пирсон е доктор по физика и математички науки, познат британски футуролог, инженер и пронаоѓач. Тој предвидува дека бројот на роботи ќе порасне од 57-те милиони денес на 9,4 милијарди за 30 години.
Денес, „популацијата“ на роботите изнесува 57 милиони примероци, вели Пирсон. Нивните скромни проценки ќе се зголемат на секои пет години, а до 2028-ма година некои од нив ќе бидат обучени да чувствуваат и да реагираат емотивно на луѓето, додава тој.
Според анкетата спроведена меѓу 2000 луѓе, 71% од нив се плашат од развојот на технологијата за вештачка интелигенција. 59% од испитаниците веруваат дека роботите претставуваат закана за човештвото.
Автоматизацијата на милиони работни места може да доведе до масовна невработеност, пораст на нееднаквоста и пад на платите. Професии како сметководител или агент за недвижнини може целосно да исчезнат.
Повеќе од половина од испитаниците веруваат дека научниците нема да можат да го контролираат развојот на вештачката интелигенција на роботите. На прашањето кое токму ги плаши, 43% возвраќаат дека се загрижени од можноста роботите да надвладеат над општеството. 37% веруваат дека роботите ќе станат попаметни од луѓето, а 34% стравуваат дека ќе ги загубат своите работни места.
Истражувањето е дело на услугата „NOW TV“, која направи анкета меѓу публиката на фантастичниот серијал „Westworld“ во кој „андроиди“ во забавен парк стануваат закана за посетителите.
