Пред неколку недели дознавме за плановите на „Instagram“ да креира алатка за пренос на содржини.
Таа е креирана со цел да одговара на претстојните „GDPR“ правила, кои Европската унија ќе ги воведе во мај, а на корисниците им дава можност да превземат копии од се што некогаш имаат пласирано на овој сервис за споделување на фотографии.
Алатката сега е активна на сајтот, кој е во сопственост на „Facebook“, а кога корисникот ќе ја внесе својата електронска пошта, „Instagram“ ќе му испрати линк до фајлот со фотографии, коментари, информации за профилот и други детали. Корисникот ќе мора да ја има и својата „Instagram“ лозинка, затоа што е потребна за верификација на податоците, при превземањето.
Може да минат и до 48 часа додека се соберат податоците, кои потоа ќе бидат испратени на корисникот. До алатките за „download“ може да се пристапи и преку подесувањата на приватноста во мобилната апликација.